உடல் வலுப்பெற உன்னத குறிப்புகள்!

• சோற்றுக்கற்றாழையை எடுத்து அதன் தோலை நீக்கிவிட்டு உள்ளிருக்கும் சதைப்பகுதியை நன்கு நீர்விட்டு அலசி காலையில் வெறும் வயிற்றில் சாப்பிட்டு வந்தால் இழைத்த உடல் பருக்கும்.
• கொண்டைக்கடலை 10 எடுத்து  சுத்தமான நீரில் இரவு ஊற வைத்து மறுநாள் காலையில் நீருடன் சேர்த்து கடலையை மென்று சாப்பிட்டு நடைப்பயிற்சியோ அல்லது உடற்பயிற்சியோ செய்து வர மெலிந்த உடல் தேறும் .
• பச்சைப்பயிரை ஊற வைத்து முளைக்கட்டிய பின்னர் அதனை லேசாக அவித்து சாப்பிட்டு வந்தால் இளைத்த உடல் தேறும்.
• தேவையான அளவு பேரீச்சைப்பழம் ,தேன்  இவற்றோடு கற்கண்டு சேர்த்து லேகியப்பதமாக செய்து வைத்துகொண்டு தினமும் காலை மாலை 1 தேக்கரண்டி சாப்பிட்டு வர மெலிந்த தேகம் பருக்கும்.
• முருங்கை இலைக்கொத்தின் ஈர்க்குகளை எடுத்து சிறிது சிறிதாக நறுக்கி அதனுடன் சின்ன வெங்காயம் ,மிளகு ,பூண்டு சேர்த்து சூப் செய்து அருந்தி வந்தால் உடல் பலம் பெரும். உடலை தேற்றுவதற்கு இது ஒரு சிறந்த டானிக்.
• கற்கண்டை வெண்ணையுடன் சேர்த்து 40 நாட்கள் சாப்பிட மெலிந்த உடல் பருக்கும்.
• முட்டை ,பால்,வெண்ணை,உருளைக்கிழங்கு ,கோழி மற்றும் மீன் இறைச்சி ,சோளம் , காரட்,மற்றும் வாழைப்பழம் ஆகியவற்றை அடிக்கடி உணவில் சேர்த்து வந்தால் உடல் ஆரோகியமாக இருக்கும்.
• தினசரி இரவு உணவுக்கு பின் ஒரு டீஸ்பூன் அளவு கடுக்காய் தூளை  சாப்பிட்டு வர நோயில்லா நீடித்த வாழ்க்கையை வாழலாம்.
• காலையில் வெறும் வயிற்றில் இஞ்சி ,நண்பகலில் சுக்கு ,இரவில் கடுக்காய் என தொடர்ந்து ஒரு மண்டலம் (48 நாட்கள் ) சாப்பிட்டு வர உடல் பலமாகும்.
• கேழ்வரகு மாவு, எள்ளு,மற்றும் சிறிது வெல்லம் சேர்த்து இடித்து அடை செய்து சாப்பிட்டு வந்தால் உடல் ஆரோக்கியமாக இருக்கும்.